Kataloniyaning "Barselona" klubi himoyachisi Ronald Arauxo yaqin kelajakda jamoasini tark etish niyatida emas. Insayder Ashraf bin Ayadning ma’lumotlariga ko‘ra, urugvaylik futbolchi "Bavariya"ga o‘tmaydi, chunki u bor e’tiborini "ko‘k-anorranglilar" uchun o‘ynashga qaratgan.

Avvalroq jurnalist Florian Plettenberg Arauxo va "Bavariya" bosh murabbiyi Tomas Tuxel o‘rtasidagi suhbat haqida xabar bergan edi. Nemis mutaxassisi urugvaylik futbolchini o‘z jamoasiga taklif qilgani va futbolchiga klub uning uchun katta miqdorda tovon puli to‘lashga rozi bo‘lganini tushuntirgan. Biroq, Ben Ayadning so‘zlariga ko‘ra, Arauxo transferga qiziqmayapti.