«Liverpul» APLning ketma-ket to‘qqizinchi o‘yinida mag‘lub bo‘lmadi. Jamoa «Arsenal»ni ta’qib qilishda davom etmoqda.
Bugun mersisaydliklar Londonning «Kristal Pelas» klubi ustidan irodali g‘alabaga erishdi – 2:1.
Shu tariqa, Yurgen Klopp jamoasining mag‘lubiyatsiz seriyasi Premyer-ligada ketma-ket to‘qqizta uchrashuvga yetdi.
Eslatib o‘tamiz, «Liverpul» APLning ushbu mavsumida faqat bitta mag‘lubiyatga uchradi - bu 30 sentyabr kuni «Tottenxem»ga qarshi safardagi (1:2) o‘yinda yuz bergandi. O‘yindan so‘ng hakamlar xatosi tufayli mojarosi yuzaga kelgandi.
Agar barcha turnirlarni oladigan bo‘lsak, Klopp shogirdlarida ikkita mag‘lubiyat bor – Yevropa Ligasida «qizillar» «Tuluza»dan mag‘lub bo‘lishdi (2:3). O‘yin 9 noyabr kuni bo‘lib o‘tdi.
