“Inter” va “Yuventus” A Seriyaning 15-turi yakuniga ko‘ra, “Milan”dan ishonchli tarzda oldinlab ketishmoqda.
Stefano Pioli shogirdlari “Atalanta”ga imkoniyatni boy berishdi (2:3). “Rossonerilar” 29 ochko bilan uchinchi o‘rinda bormoqda.
“Udineze”ni mag‘lub etgan (4:0) “Inter” 38 ochko bilan birinchi o‘rinni saqlab qoldi. Juma kuni “Napoli”ni mag‘lub etgan (1:0) “Yuventus” “neradzurrilar”dan ikki ochko ortda qolmoqda.
Kuchli to‘rtlikni “Roma” yopdi. Joze Mourinyo shogirdlari hisobida 24 ochko bor va qo‘shimcha ko‘rsatkichlar bo‘yicha “Napoli”dan oldinda.
