“Интер” ва “Ювентус” А Сериянинг 15-тури якунига кўра, “Милан”дан ишончли тарзда олдинлаб кетишмоқда.
Стефано Пиоли шогирдлари “Аталанта”га имкониятни бой беришди (2:3). “Россонерилар” 29 очко билан учинчи ўринда бормоқда.
“Удинезе”ни мағлуб этган (4:0) “Интер” 38 очко билан биринчи ўринни сақлаб қолди. Жума куни “Наполи”ни мағлуб этган (1:0) “Ювентус” “нерадзуррилар”дан икки очко ортда қолмоқда.
Кучли тўртликни “Рома” ёпди. Жозе Моуриньо шогирдлари ҳисобида 24 очко бор ва қўшимча кўрсаткичлар бўйича “Наполи”дан олдинда.
