Daily Mail nashri "Manchester Yunayted" tarixidagi eng yaxshi futbolchilar ro‘yxatini e’lon qildi. Qizil iblislarning eng zo‘r 7 nafar futbolchisi qanday ko‘rinishga ega?
7-o‘rin - Shmeyxel
"Manchester Yunayted" bilan darvozabon besh marta APL, uch marta Angliya kubogi, to‘rt marta Angliya Superkubogi va bir marta Chempionlar ligasida g‘olib chiqqan. Klub uchun 398 ta o‘yinda Piter 180 ta o‘yinda o‘z darvozasi dahlsizligini saqlab qoldi va hatto gol urishga ham muvaffaq bo‘ldi.
6-o‘rin - Kantona
Hujumchi “Manchester Yunayted” bilan birgalikda to‘rt marta APL chempionligi, ikki marta Angliya kubogi va uch marta mamlakat Superkubogi sohibi bo‘lgan. “Iblislar” safida 185 ta o‘yinda Erik 82 ta gol urdi va 62 ta golli uzatmani amalga oshirdi.
5-o‘rin - Kin
"Manchester Yunayted" bilan yarim himoyachi yetti karra Angliya chempioni, to‘rt karra mamlakat kubogi va Superkubogi sohibi, Chempionlar ligasi g‘olibiga aylandi. Klub uchun 478 ta o‘yinda Roy 51 ta gol urdi va 38 ta golli uzatmani amalga oshirdi.
4-o‘rin - Ronaldu
“Manchester Yunayted” bilan forvard uch marta APL, ikki marta Futbol Ligasi kubogi, bir marta Angliya kubogi, Angliya Superkubogi, Chempionlar Ligasi va Klublar o‘rtasidagi jahon chempionatida g‘olib chiqqan. Krishtianu klub safida 346 ta o‘yin o‘tkazib, 145 ta gol va 65 ta golli uzatmani amalga oshirgan.
3-o‘rin - Runi
"Manchester Yunayted" tarkibida forvard 16 ta sovrinni qo‘lga kiritib, Premyer-liga, Chempionlar ligasi, Angliya Superkubogi, Angliya kubogi, Futbol ligasi kubogi va klublar o‘rtasidagi jahon chempionatida g‘olib chiqdi. Ueyn “Yunayted” safida 559 ta o‘yinda maydonga tushib, 253 ta gol urgan va 145 ta golli uzatmani amalga oshirgan.
2-o‘rin - Skoulz
"Manchester Yunayted"da yarim himoyachi 25 marta sovrin yutgan, shundan 11 tasi Premyer-ligada. Pol faoliyati davomida iblislar safida 716 ta o‘yin o‘tkazib, 155 ta gol urgan va 82 ta golli uzatmani amalga oshirgan.
1-o‘rin - Giggz
Yarim himoyachi butun faoliyatini "Manchester Yunayted"da o‘tkazdi va u bilan birga 34 ta sovrin, jumladan, 13 tasini Premyer-ligada qo‘lga kiritdi. Rayan klub safida 963 o‘yin o‘tkazib, 168 gol va 260 golga assistentlik qilgan.
