"Bavariya" vingeri Serj Gnabri yaqinda Frankfurtning "Ayntraxt"iga qarshi o‘yinda jiddiy jarohat oldi.
28 yoshli futbolchi 66-daqiqada zaxiradan maydonga tushdi va 71-daqiqadayoq jarohati sabab maydonni tark etishga majbur bo‘ldi. Jurnalist Kerri Xouning so‘zlariga ko‘ra, Gnabrining jarohati avval taxmin qilinganidan ham jiddiyroq bo‘lib chiqdi. Agar hozirgi prognozlarga ishonadigan bo‘lsak, nemis futbolchisi ikki oydan uch oygacha vaqtni maydon tashqarisida o‘tkazadi.
"Ayntraxt"ga qarshi o‘yin "Bavariya" uchun to‘liq falokat - 1:5 hisobidagi mag‘lubiyat bilan yakunlandi.
Serj Gnabri joriy mavsumda Tomas Tuxel jamoasi safida 11 ta o‘yinda maydonga tushib, 1 ta gol urdi.
