Karlo Anchelotti Kepa Arrizabalaga tarkibga qaytayotganini aytdi.

Seshanba kuni "Real Madrid" Chempionlar ligasi guruh bosqichining 6-turi doirasida "Union"ga qarshi safarda maydonga tushadi. Madridliklar allaqachon birinchi o‘rindan 1/8 finalga chiqdi.

Ispaniyalik darvozabon Tibo Kurtuaning jiddiy jarohatidan so‘ng "Chelsi"dan ijaraga olindi va joriy mavsumda "Los Blankos"ning asosiy darvozaboni bo‘ldi. Noyabr oyi boshidan beri u jarohati sabab maydonga tushmadi va ukrainalik Andrey Lunin darvozadan joy oldi.

- Menimcha, siz javob bermaysiz, lekin hozir Luninning Kepadan ustunligi bormi?

- Men javob beraman. Kepa o‘ynaydi. Har bir uchrashuvda kimnidir zaxirada qoldirish nohaqlik. Lekin kimdir zaxirada qolishi kerak.

Ijobiy tomoni shundaki, Lunin o‘zini ko‘rsatish imkoniyatiga ega. Biz u uchun xursandmiz. U yaxshi ishladi.

Kepa hech narsani isbotlashning hojati yo‘q, u ma’lum bir tajribaga ega. Lunin bu davrni yaxshi o‘tkazdi, ammo shuni ta’kidlash kerakki, Kepa har doim o‘z ishini yaxshi bajarardi.

- Niko Paz o‘ynaydimi?

- Balkim. Bu mashg‘ulotlarda ko‘rgan narsamga bog‘liq. Agar charchagan futbolchilar bo‘lsa, o‘ynamaydi. Boshqa futbolchilar ko‘proq imkoniyatlarga ega bo‘lishlari mumkin, - deydi “Real” bosh murabbiyi.