Карло Анчелотти Кепа Арризабалага таркибга қайтаётганини айтди.

Сешанба куни "Реал Мадрид" Чемпионлар лигаси гуруҳ босқичининг 6-тури доирасида "Унион"га қарши сафарда майдонга тушади. Мадридликлар аллақачон биринчи ўриндан 1/8 финалга чиқди.

Испаниялик дарвозабон Тибо Куртуанинг жиддий жароҳатидан сўнг "Челси"дан ижарага олинди ва жорий мавсумда "Лос Бланкос"нинг асосий дарвозабони бўлди. Ноябр ойи бошидан бери у жароҳати сабаб майдонга тушмади ва украиналик Андрей Лунин дарвозадан жой олди.

- Менимча, сиз жавоб бермайсиз, лекин ҳозир Луниннинг Кепадан устунлиги борми?

- Мен жавоб бераман. Кепа ўйнайди. Ҳар бир учрашувда кимнидир захирада қолдириш ноҳақлик. Лекин кимдир захирада қолиши керак.

Ижобий томони шундаки, Лунин ўзини кўрсатиш имкониятига эга. Биз у учун хурсандмиз. У яхши ишлади.

Кепа ҳеч нарсани исботлашнинг ҳожати йўқ, у маълум бир тажрибага эга. Лунин бу даврни яхши ўтказди, аммо шуни таъкидлаш керакки, Кепа ҳар доим ўз ишини яхши бажарарди.

- Нико Паз ўйнайдими?

- Балким. Бу машғулотларда кўрган нарсамга боғлиқ. Агар чарчаган футболчилар бўлса, ўйнамайди. Бошқа футболчилар кўпроқ имкониятларга эга бўлишлари мумкин, - дейди “Реал” бош мураббийи.