Kataloniyaning «Barselona» klubi sardori Serxi Roberto yanvar oyidagi transfer oynasida jamoani tark etish niyatida emasligini aytdi.
Universal futbolchining «ko‘k-anorranglilar» bilan shartnomasi joriy mavsum oxirigacha amal qiladi.
«Men «Barselona» rahbariyati bilan muzokara olib bormoqdaman. Men yanvarda jamoani tark etmoqchi emasman.
Matbuotda «Inter Mayami» yoki «Palmeyras»ga o‘tishga yaqin qolganim haqida mish-mishlar tarqaldi, ammo bularning barchasi yolg‘on.
To‘g‘ri, men kelajakda MLSda tajriba orttirmoqchiman, ammo buning vaqti hali kelmagan», - deya Robertoning so‘zlarini keltiradi Sport.