Каталониянинг «Барселона» клуби сардори Серхи Роберто январь ойидаги трансфер ойнасида жамоани тарк этиш ниятида эмаслигини айтди.
Универсал футболчининг «кўк-анорранглилар» билан шартномаси жорий мавсум охиригача амал қилади.
«Мен «Барселона» раҳбарияти билан музокара олиб бормоқдаман. Мен январда жамоани тарк этмоқчи эмасман.
Матбуотда «Интер Майами» ёки «Палмейрас»га ўтишга яқин қолганим ҳақида миш-мишлар тарқалди, аммо буларнинг барчаси ёлғон.
Тўғри, мен келажакда МЛСда тажриба орттирмоқчиман, аммо бунинг вақти ҳали келмаган», - дея Робертонинг сўзларини келтиради Sport.