"Bavariya" bosh murabbiyi Tomas Tuxel "Manchester Yunayted"ning Chempionlar ligasini tark etishini oqlashga urindi. Eslatib o‘tamiz, Erik ten Xag jamoasi "Bavariya", "Kopengagen" va "Galatasaroy" bilan guruhda so‘nggi o‘rinni egallagan edi.
"Manchester Yunayted" juda katta klub, buni unutmang. Bu jamoani Chempionlar ligasining guruh bosqichida ko‘rsangiz, guruhda g‘alaba qozonib, pley-offga chiqishlarini kutasiz. O‘z tajribamdan shuni aytishim mumkinki, bu juda qiyin guruh edi. Jadvalga nazar tashlaydigan bo‘lsak, "Bavariya" osonlik bilan birinchi o‘rinni egallagandek tuyulishi mumkin, ammo barcha o‘yinlar juda keskin o‘tdi", - dedi Tuxel matbuot anjumanida.
