"Бавария" бош мураббийи Томас Тухель "Манчестер Юнайтед"нинг Чемпионлар лигасини тарк этишини оқлашга уринди. Эслатиб ўтамиз, Эрик тен Хаг жамоаси "Бавария", "Копенгаген" ва "Галатасарой" билан гуруҳда сўнгги ўринни эгаллаган эди.
"Манчестер Юнайтед" жуда катта клуб, буни унутманг. Бу жамоани Чемпионлар лигасининг гуруҳ босқичида кўрсангиз, гуруҳда ғалаба қозониб, плей-оффга чиқишларини кутасиз. Ўз тажрибамдан шуни айтишим мумкинки, бу жуда қийин гуруҳ эди. Жадвалга назар ташлайдиган бўлсак, "Бавария" осонлик билан биринчи ўринни эгаллагандек туюлиши мумкин, аммо барча ўйинлар жуда кескин ўтди", - деди Тухель матбуот анжуманида.
