Madridning “Atletiko” klubi prezidenti lavozimida ishlayotgan Enrike Sereso bir qancha futbolchilarning kelajagi haqida gapirdi.

"O‘ylashimcha, biz Grizmann bilan yangi shartnoma tuzishga yaqin emasmiz. Ammo, agar kerak bo‘lsa, u shartnomani uzaytirishga tayyor bo‘lishi aniq", - deya Sereso so‘zlaridan iqtibos keltiradi jurnalist Fabrisio Romano ijtimoiy tarmoqlarda.

“Koke va Ermosoning shartnomalari iyun oyida tugaydimi? Biz muzokaralar olib bormoqdamiz – hali vaqt bor”, — dedi Madrid klubi prezidenti.

Antuan Grizmanning "Atletiko Madrid" bilan amaldagi mehnat shartnomasi 2026 yilning o‘rtalariga qadar amal qiladi. Joriy mavsumda fransiyalik futbolchi madridliklar safida 20 ta o‘yinda maydonga tushib, 13 ta gol urgan.