Ispaniyaning to‘rtta klubi Chempionlar ligasining pley-off bosqichiga yo‘l oldi.

"Atletiko Madrid", "Real Sosyedad", "Barselona" va "Real Madrid" o‘z guruhlarida 1-o‘rinni egalladi. Yevropa ligasi orqali CHLga chiqqan "Sevilya" esa guruh bosqichining o‘zida yurishini to‘xtatdi.

Germaniya YECHLda ishtirokini 3 ta klub bilan davom ettiradi "Bavariya" va "Borussiya Dortmund" jamoalari peshqadam "RB Leypsig" esa guruhda 2-o‘rinni egallab keyingi bosqichga chiqdi. “Union” o‘z guruhida autsayder bo‘lib, yevrokuboklardagi ishtirokini yakunladi.

Italiyaning ham Chempionlar ligasining pley-off bosqichida uchta vakili bo‘ladi. “Napoli”, “Inter” va “Lasio” o‘z guruhlarida 2-o‘rinni egalladi. "Milan" 3-o‘rinni egallab, Yevropa ligasiga tushib ketdi.

Angliyaning esa faqat 2 ta jamoasi asosiy yevrokubokning pley-off bosqichiga chiqa oldi. "Manchester Siti" va "Arsenal" o‘z guruhlarida 1-o‘rinni qo‘lga kiritishdi. “Nyukasl” va “Manchester Yunayted” esa aksincha, turnir jadvalining quyi pog‘onasida qolishdi.

Fransiya ("PSJ"), Portugaliya ("Portu"), Niderlandiya (PSV) va Daniya ("Kopengagen") Chempionlar Ligasi pley-off bosqichida bittadan vakilga ega bo‘ladi.