«Chelsi»ning o‘ng qanot himoyachisi Malo Gyusto «aristokratlar» kelajakda top-klub bo‘lib qolishlariga umid bildirdi.

Eslatib o‘tamiz, Maurisio Pochettino shogirdlari ayni paytda Premyer-ligada o‘n ikkinchi o‘rinni egallab, og‘ir kunlarni boshdan kechirmoqda.

«Chelsi» haqida juda ko‘p xotiralarim bor. Bolaligimda Didye Drogba bilan bo‘lgan davr menga katta ta’sir ko‘rsatdi.

2021 yilgi Chempionlar ligasi finalini ham ko‘rganimni eslayman. Men har doim «Chelsi» katta klub ekanligini aytganman.

«Barselona»ga qarshi o‘yinlarni tomosha qilishni yaxshi ko‘rardim, ayniqsa 2012 yilda. Umid qilamanki, kelajakda «Chelsi» katta klub bo‘lib qoladi», - deya Gyustoning so‘zlarini keltiradi klub rasmiy sayti.