«Челси»нинг ўнг қанот ҳимоячиси Мало Гюсто «аристократлар» келажакда топ-клуб бўлиб қолишларига умид билдирди.
Эслатиб ўтамиз, Маурисио Почеттино шогирдлари айни пайтда Премьер-лигада ўн иккинчи ўринни эгаллаб, оғир кунларни бошдан кечирмоқда.
«Челси» ҳақида жуда кўп хотираларим бор. Болалигимда Дидье Дрогба билан бўлган давр менга катта таъсир кўрсатди.
2021 йилги Чемпионлар лигаси финалини ҳам кўрганимни эслайман. Мен ҳар доим «Челси» катта клуб эканлигини айтганман.
«Барселона»га қарши ўйинларни томоша қилишни яхши кўрардим, айниқса 2012 йилда. Умид қиламанки, келажакда «Челси» катта клуб бўлиб қолади», - дея Гюстонинг сўзларини келтиради клуб расмий сайти.
