Myunxenning "Bavariya" klubi markaziy himoyachisi Matteys de Ligt "Shtutgart" bilan bo‘ladigan Bundesliganing navbatdagi turida jamoasiga yordam bera olmasa kerak.
Niderlandiyalik futbolchi jamoa bilan mashg‘ulotlarni qayta boshlagan bo‘lsa-da, "Shtutgart" bilan o‘yinda ishtirok etish futbolchi uchun erta sanaladi. Bild nashri xabariga ko‘ra, murabbiylar shtabi jarohatidan endigina forig‘ bo‘lgan futbolchining sog‘lig‘ini xavf ostiga qo‘ymoqchi emas.
Shu bilan birga, manbaning xabar berishicha, de Ligt Germaniya chempionatida “Volfsburg” bilan o‘yinda ishtirok etishi mumkin, bu “Bavariya” uchun 2023 yildagi so‘nggi o‘yin bo‘ladi.
