Мюнхеннинг "Бавария" клуби марказий ҳимоячиси Маттейс де Лигт "Штутгарт" билан бўладиган Бундеслиганинг навбатдаги турида жамоасига ёрдам бера олмаса керак.
Нидерландиялик футболчи жамоа билан машғулотларни қайта бошлаган бўлса-да, "Штутгарт" билан ўйинда иштирок этиш футболчи учун эрта саналади. Bild нашри хабарига кўра, мураббийлар штаби жароҳатидан эндигина фориғ бўлган футболчининг соғлиғини хавф остига қўймоқчи эмас.
Шу билан бирга, манбанинг хабар беришича, де Лигт Германия чемпионатида “Вольфсбург” билан ўйинда иштирок этиши мумкин, бу “Бавария” учун 2023 йилдаги сўнгги ўйин бўлади.
