Menxengladbaxning "Borussiya" klubi markaziy himoyachisi Niko Elvedi Londonning "Chelsi" klubi qiziqishlari doirasida.
Team Talk nashri xabariga ko‘ra, "ko‘klar" 27 yoshli shveysariyalik futbolchini yanvar oyida sotib olishga harakat qilishadi.
"Chelsi" jarohatlar tufayli kadrlar bilan bog‘liq vaziyatdan xavotirda, shuning uchun murabbiylar shtabi jamoani yangi himoyachi bilan kuchaytirmoqchi. Oldinroq "ko‘klar" "Bayer" futbolchisi Jonatan Taga ham qiziqish bildirayotgan edi.
Elvedi joriy mavsum Germaniya chempionatida bitta gol urdi va bitta golli uzatmani amalga oshirdi. Shveysariyalik futbolchining narxi 14 million yevroga baholanmoqda. Nikoning "Borussiya" bilan shartnomasi 2027 yilning yoziga qadar tuzilgan.
