“Liverpul” bosh murabbiyi Yurgen Klopp Yevropa ligasi guruh bosqichi 6-turi doirasidagi “Yunion”dan uchralgan mag‘lubiyat (1:2) haqida fikr bildirdi.

“Raqibimiz haqli ravishda g‘alaba qozondi. Bizda juda ko‘p o‘zgarishlar bo‘ldi, o‘z ritmimizni topa olmadik va keraksiz gollar o‘tkazib yubordik. Vaholanki, yakunda ikki-uch marta hisobni tenglashtirishimiz mumkin edi.

"Yunion" g‘alabaga munosibdir. Garchi o‘yindan keyin bizga qarshi birinchi gol o‘yindan tashqari holatda ham kiritilishi mumkinligini eshitgan bo‘lsam-da, uni hech kim aniq aytolmaydi. Biz o‘yinni takror ko‘ramiz, lekin bu hech narsani o‘zgartirmaydi", - deya Kloppning so‘zlarini keltiradi "Goal".