“Ливерпуль” бош мураббийи Юрген Клопп Европа лигаси гуруҳ босқичи 6-тури доирасидаги “Юнион”дан учралган мағлубият (1:2) ҳақида фикр билдирди.

“Рақибимиз ҳақли равишда ғалаба қозонди. Бизда жуда кўп ўзгаришлар бўлди, ўз ритмимизни топа олмадик ва кераксиз голлар ўтказиб юбордик. Ваҳоланки, якунда икки-уч марта ҳисобни тенглаштиришимиз мумкин эди.

"Юнион" ғалабага муносибдир. Гарчи ўйиндан кейин бизга қарши биринчи гол ўйиндан ташқари ҳолатда ҳам киритилиши мумкинлигини эшитган бўлсам-да, уни ҳеч ким аниқ айтолмайди. Биз ўйинни такрор кўрамиз, лекин бу ҳеч нарсани ўзгартирмайди", - дея Клоппнинг сўзларини келтиради "Goal".