"PSJ" klubi Kilian Mbappe bilan shartnomani uzaytirish borasida kelishib olish qiyin bo‘lishini tushunadi. Liga 1 grandi allaqachon yulduz forvard o‘rnini kim bilan to‘ldirish haqida o‘ylamoqda va Antuan Grizmann parijliklarning asosiy varianti qolmoqda. Bu haqda "Todofichajes" o‘z sahifalarida ma’lum qildi.
Qayd etilishicha, “Atletiko” bosh murabbiyi Diyego Simeone Grizmanni jamoadagi asosiy figura deb biladi, biroq klub moliyaviy ahvolini yaxshilash maqsadida fransiyalik futbolchini sotishga qarshi emas.
Grizmann bahorda 33 yoshga to‘ladi, 2024 yil futbolchini qimmatga sotish uchun qulay vaqt bo‘lishi mumkin. Bitim summasi 60 million yevrodan oshishi kutilmoqda.