"ПСЖ" клуби Килиан Мбаппе билан шартномани узайтириш борасида келишиб олиш қийин бўлишини тушунади. Лига 1 гранди аллақачон юлдуз форвард ўрнини ким билан тўлдириш ҳақида ўйламоқда ва Антуан Гризманн парижликларнинг асосий варианти қолмоқда. Бу ҳақда "Todofichajes" ўз саҳифаларида маълум қилди.

Қайд этилишича, “Атлетико” бош мураббийи Диего Симеоне Гризманни жамоадаги асосий фигура деб билади, бироқ клуб молиявий аҳволини яхшилаш мақсадида франциялик футболчини сотишга қарши эмас.

Гризманн баҳорда 33 ёшга тўлади, 2024 йил футболчини қимматга сотиш учун қулай вақт бўлиши мумкин. Битим суммаси 60 миллион евродан ошиши кутилмоқда.