"Arsenal" yanvar oyida "Santos" hujumchisi Markos Leonardoni qo‘lga kiritishga umid qilmoqda.

"Goal" xabariga ko‘ra, "Santos" avvalroq "Roma"dan 15 million yevro talab qilgan, biroq klub mahalliy A Seriyadan tushib ketganidan so‘ng, Leonardo klubni arzonroq narxda tark etadi. Ma’lumotlarga ko‘ra, "Santos" naqd pulga muhtoj, chunki klubning daromadlari 2024 yilda kamayishi kutilmoqda.

Eslatib o‘tamiz, o‘tgan mavsumda barcha turnirlar bo‘yicha 49 ta o‘yinda Leonardo 21 ta gol urib, 4 ta golga assistentlik qilgan. Transfermarkt portali 20 yoshli futbolchining narxini 25 million yevroga baholamoqda.