"Арсенал" январь ойида "Сантос" ҳужумчиси Маркос Леонардони қўлга киритишга умид қилмоқда.
"Goal" хабарига кўра, "Сантос" аввалроқ "Рома"дан 15 миллион евро талаб қилган, бироқ клуб маҳаллий А Сериядан тушиб кетганидан сўнг, Леонардо клубни арзонроқ нархда тарк этади. Маълумотларга кўра, "Сантос" нақд пулга муҳтож, чунки клубнинг даромадлари 2024 йилда камайиши кутилмоқда.
Эслатиб ўтамиз, ўтган мавсумда барча турнирлар бўйича 49 та ўйинда Леонардо 21 та гол уриб, 4 та голга ассистентлик қилган. Transfermarkt портали 20 ёшли футболчининг нархини 25 миллион еврога баҳоламоқда.