"PSJ" klubi hujumchisi Kilian Mbappe "Real"ning transferlar ro‘yxatida qolmoqda. Bu haqda AS sahifalarida xabar berilgan.

Manbaning ta’kidlashicha, qirollik klubi 24 yoshli futbolchini o‘z safiga qo‘shib olishdan manfaatdor, biroq u uchun bor kuchi bilan kurashmaydi. "Los Blankos"ning Kilian uchun belgilangan muddat haqidagi qarori ham o‘z kuchida. Agar Mbappe 15 yanvargacha "Real" taklifini qabul qilmasa, u holda klub boshqa forvard izlaydi..

Hujumchining parijliklar bilan shartnomasi kelasi yozda yakuniga yetadi. Kilianning bozor qiymati 180 million yevroga baholanmoqda.