"ПСЖ" клуби ҳужумчиси Килиан Мбаппе "Реал"нинг трансферлар рўйхатида қолмоқда. Бу ҳақда AS саҳифаларида хабар берилган.
Манбанинг таъкидлашича, қироллик клуби 24 ёшли футболчини ўз сафига қўшиб олишдан манфаатдор, бироқ у учун бор кучи билан курашмайди. "Лос Бланкос"нинг Килиан учун белгиланган муддат ҳақидаги қарори ҳам ўз кучида. Агар Мбаппе 15 январгача "Реал" таклифини қабул қилмаса, у ҳолда клуб бошқа форвард излайди..
Ҳужумчининг парижликлар билан шартномаси келаси ёзда якунига етади. Килианнинг бозор қиймати 180 миллион еврога баҳоланмоқда.
