Futbol mutaxassisi Pol Merson APLning navbatdagi turidan o‘rin olgan "Manchester Yunayted" - "Liverpul" o‘yini oldidan fikr bildirdi.
"Odamlar doim bu katta o‘yin deyishadi, lekin bu haqiqatan ham shundaymi? Menimcha, bu mening dam olish kunlaridagi eng oddiy bashoratim – "Liverpul" ancha qulay tarzda g‘alaba qozonishini kutaman. Brunu Fernandesh diskvalifikasiya qilingan, Lyuk Shou, Rafael Varan va Garri Maguayr "Bavariya"ga qarshi o‘yinda jarohat olgani sababli, hammasi yaxshi ko‘rinmayapti.
Aytaylik: "MYU" "Enfild"da durang o‘ynasa, "Kristal Pelas" "Manchester Siti"ga qarshi natijaga erishganidan ko‘ra ko‘proq hayratda qolaman. Men "Liverpul"ning g‘alabasiga shunchalik ishonaman, chunki Erik ten Xag jamoasi mutlaqo jar yoqasida. "Bavariya"ga qarshi o‘yinda ularga harakat erkinligi berildi, ammo hech narsa qila olishmadi. Bungacha ular o‘z uylarida "Bornmut"dan mag‘lub bo‘lishgan va ular g‘alaba qozongan o‘yinlarga qarasangiz ham, ular bu vazifani bajara olmadilar.
Men "Liverpul"dan ularni parchalab tashlashini kutaman, shuning uchun men bu o‘yinda 3:0 hisobi qayd etilishini taxmin qilyapman. "Manchester Yunayted"dan hech narsa kutmayman, chunki ular bu mavsumda yetarlicha o‘yin ko‘rsata olishmadi. Boshqa tomondan, "Liverpul" ligada birinchi o‘rinni egallab turibdi va bayram oldidan, o‘yinlar qizg‘in va tez o‘tayotganda, ular shunchaki g‘alaba qozonishlari kerak, ayniqsa "Arsenal" bilan o‘yin kutilayotganda", - dedi Merson Sportskeeda bilan suhbatda.
“Liverpul” – “Manchester Yunayted” uchrashuvi 17 dekabr, yakshanba kuni bo‘lib o‘tadi.
