"Liverpul"ning sobiq hujumchisi, hozirda "Al-Ahli"da o‘ynayotgan Roberto Firmino yanvar oyidagi transfer oynasida klubini o‘zgartirishi mumkin. Bu haqda jurnalist Ben Jeykobs ijtimoiy tarmoq orqali xabar berdi.
Manbaning xabar berishicha, braziliyalik forvardga “Al-Ittifoq” va “Ash-SHabab” klublari qiziqish bildirmoqda. Klublar Robertoni joriy mavsum oxirigacha ijaraga olish variantini ko‘rib chiqmoqda.
Firmino o‘tgan yozda "Al-Ahli"ga o‘tgan edi. Saudiya jamoasi safida u 17 ta o‘yin o‘tkazib, 3 ta gol va 3 ta golli uzatmaga mualliflik qilgan.
