Angliya terma jamoasi va "Manchester Yunayted"ning sobiq himoyachisi Gari Nevill Londonning "Tottenxem" klubi yarim himoyachisi Deyan Kulushevskining imkoniyatlari haqida o‘z fikrlari bilan o‘rtoqlashdi.
"Deyan "o‘ntalik" uslubida harakat qiladigan futbolchi. Bunday futbolchilar hozir juda kam. Ularning o‘ziga xos qiymati bor. Albatta, u hali ko‘p narsalarni o‘rganishi va uzoq yo‘lni bosib o‘tishi kerak. Menimcha, Kulushevski 80-100 million yevroga baholangan futbolchiga aylana oladi", - dedi Nevill Sky Sports bilan suhbatda.
23 yoshli Kulushevski Premyer-liganing joriy mavsumida 17 ta o‘yin o‘tkazib, 5 ta gol va 2 ta golli uzatmani amalga oshirdi.
