Англия терма жамоаси ва "Манчестер Юнайтед"нинг собиқ ҳимоячиси Гари Невилл Лондоннинг "Тоттенхэм" клуби ярим ҳимоячиси Деян Кулушевскининг имкониятлари ҳақида ўз фикрлари билан ўртоқлашди.
"Деян "ўнталик" услубида ҳаракат қиладиган футболчи. Бундай футболчилар ҳозир жуда кам. Уларнинг ўзига хос қиймати бор. Албатта, у ҳали кўп нарсаларни ўрганиши ва узоқ йўлни босиб ўтиши керак. Менимча, Кулушевски 80-100 миллион еврога баҳоланган футболчига айлана олади", - деди Невилл Sky Sports билан суҳбатда.
23 ёшли Кулушевски Премьер-лиганинг жорий мавсумида 17 та ўйин ўтказиб, 5 та гол ва 2 та голли узатмани амалга оширди.
