"Real Madrid" bosh murabbiyi Karlo Anchelotti 18 yoshga to‘lganidan so‘ng kelasi yozda jamoaga qo‘shiladigan hujumchi Endrikga maslahat berdi.
"Endrikka qanday maslahat bera olaman? Men har doim yosh futbolchilarga lahzadan zavq olishlarini aytaman. U iyul oyida safimizga qo‘shilishidan juda xursandmiz", - dedi Anchelotti "Vilyarreal"ga qarshi o‘yin oldidan o‘tkazilgan matbuot anjumanida.
Eslatib o‘tamiz, "Real Madrid" o‘tgan mavsumda Endrik uchun kurashda g‘alaba qozongan edi. Londonning “Chelsi” klubi ham iqtidorli braziliyalik uchun kurashgan, biroq hujumchi yakunda "Qirollik klubi" bilan shartnoma imzoladi.