«Manchester Siti» APL doirasidagi so‘nggi oltita o‘yinning faqat bittasida g‘alaba qozongan.
Bugun Pep Gvardiola shogirdlari Angliya chempionatining 17-turida «Kristal Pelas» bilan durang o‘ynadi (2:2).
O‘yin davomida «shaharliklar» Jek Grilish va Riko Lyuisning gollari evaziga 2:0 hisobida oldinda borishdi, ammo g‘alabani qo‘ldan boy berdi - 76-daqiqada Jan-Filip Mateta bitta gol urdi, 95-daqiqada Maykl Olise penaltini golga aylantirdi.
«Siti» Premyer-ligadagi so‘nggi olti o‘yinda to‘rtinchi bor durang o‘ynadi. Shuningdek, bu davrda jamoa bitta g‘alabaga erishdi va bitta mag‘lubiyat alamini totib ko‘rdi.
