Xvicha Kvarasxeliya 5 uchrashuvda ilk bor gol urdi.

"Napoli" vingeri A Seriyaning 16-turida "Kalyari" darvozasiga gol urdi (2:1).

Bu gruziyalik futbolchining 5 o‘yindagi birinchi samarali harakati bo‘ldi – u "Real" (2:4), "Inter" (0:3), "Yuventus" (0:1) va "Braga" (2:0) bilan o‘yinlarda gol va golli uzatmani amalga oshira olmagandi.

Italiya chempionatining 49 uchrashuvida Xvicha gol+pas tizimidan foydalangan holda 30 (17+13) ochko jamg‘argan.

Umuman olganda, Kvarasxeliya A Seriyaning joriy mavsumida 15 ta o‘yinda 5 ta gol va 3 ta golli uzatmaga mualliflik qilgan.