"Napoli" markaziy hujumchisi Viktor Osimxen kelasi yozda klubini o‘zgartirishi mumkin. Xabarlarga ko‘ra, Londonning "Arsenal" klubi nigeriyalik hujumchi bilan shartnoma imzolashni rejalashtirmoqda.
Manbaga ko‘ra, "kanonirlar" Osimxenning transferi uchun 120-134 million yevro sarflashlari mumkin. Ayni paytda neapolliklar londonliklar hujumchisi Gabriel Jezusga qiziqish bildirishmoqda. "Arsenal" braziliyalik futbolchini shartnomaga qo‘shishi va shu bilan nigeriyalik uchun tovon pulini kamaytirishi mumkin.
O‘tgan mavsumda Osimxen Italiya chempionatining eng yaxshi to‘purari bo‘ldi.