Kataloniyaning “Barselona” klubi bosh murabbiyi Xavi Ernandes jamoasi o‘yinidagi muammolar haqida gapirdi.
"Barselona" gol urish bo‘yicha Yevropaning eng yomon jamoalaridan biri. Bu "Granada" va "Malyorka" bilan o‘yinlarda yaqqol ko‘rindi. "Atletiko" bilan o‘yinda ham shunga o‘xshash narsa bo‘ldi, shu tufayli raqib deyarli hisobni tenglashtirdi. Biz samaradorlik borasida yomon ishlayapmiz", - dedi Xavi 90min bilan suhbatda.
La Liganing so‘nggi uchrashuvida "ko‘k-anorranglilar" "Valensiya" bilan o‘yinda 1:1 hisobida durang o‘ynashdi. 17 turdan keyin Xavi shogirdlari mamlakat chempionati turnir jadvalida uchinchi o‘rinda bormoqda.
