Каталониянинг “Барселона” клуби бош мураббийи Хави Эрнандес жамоаси ўйинидаги муаммолар ҳақида гапирди.

"Барселона" гол уриш бўйича Европанинг энг ёмон жамоаларидан бири. Бу "Гранада" ва "Мальорка" билан ўйинларда яққол кўринди. "Атлетико" билан ўйинда ҳам шунга ўхшаш нарса бўлди, шу туфайли рақиб деярли ҳисобни тенглаштирди. Биз самарадорлик борасида ёмон ишлаяпмиз", - деди Хави 90min билан суҳбатда.

Ла Лиганинг сўнгги учрашувида "кўк-анорранглилар" "Валенсия" билан ўйинда 1:1 ҳисобида дуранг ўйнашди. 17 турдан кейин Хави шогирдлари мамлакат чемпионати турнир жадвалида учинчи ўринда бормоқда.