"Barselona" prezidenti Joan Lapopta jamoaga yanvar oyida kelib qo‘shiladigan markaziy hujumchi Vitor Roke haqida gapirdi.
– Vitor Rokening kelishi gol urishdagi muammolarni hal qila oladimi?
– Roke dekabr oxiri yoki yanvar oyi boshida kelishi kutilmoqda. Maqsad uning imkon qadar tezroq yetib kelishidir.
– Rokedan nima kutyapsiz?
– Deku bizga u yuqori ambisiyali futbolchi ekanligini tushuntirdi va menimcha, u hozir biz uchun juda foydali bo‘ladi. Bizda ijodkor o‘yinchilar, Levandovski kabi tug‘ma gol mashinalari bor va Roke jamoaga bonus bo‘ladi", - dedi Laporta.
Eslatib o‘tamiz, kataloniyaliklar braziliyalik 18 yoshli hujumchini 30 million yevro evaziga "Atletiko Paranaense"dan sotib oldi.
