"Barselona"da hali ham jiddiy moliyaviy qiyinchiliklar mavjud. Klubga pul kerak, hozir "ko‘k-anorranglilar" yangi investor topish ustida ishlamoqda. Shu bilan birga, Relevo nashri "Barselona" o‘zining har bir futbolchisi bo‘yicha takliflarni tinglashga tayyor bo‘lishini ta’kidlaydi. Bu moliyaviy hisoblarini muvozanatlash zarurati bilan bog‘liq.
"Barselona" ayni damda Ispaniya La Ligasi turnir jadvalida 3-o‘rinni egallab turibdi. Xavi shogirdlari “Real”dan 7 ochko, shov-shuvli “Jirona”dan 9 ochko ortda qolmoqda.
"Barselona" navbatdagi o‘yinini 20 dekabr kuni "Almeriya"ga qarshi o‘tkazadi.
