O‘zbekiston futbol hakamlari markazi joriy yilning iyul oyidan boshlab O‘zbekiston Superligasi va mamlakat kubogida ishlagan hakamlar orasidan har oyning eng yaxshilarini aniqlab, ularni taqdirlab kelmoqda. Mana shu ovozlar jamlanmasidan kelib chiqib, yilning eng yaxshisi aniqlanadi.
Yuqoridagi suratda 5 nafar hakam keltirib o‘tilgan. Ular oy davomida namunali hakamlik namoyish etib, oyning eng yaxshisi bo‘lgan edi. Umumiy ko‘rinishda mazkur hakamlar mavsumni turlicha holatda o‘tkazdi. Biroq oy davomida yig‘ib borilgan ochkolar yakunda muhim rol o‘ynaydi. Oylar davomidagi barqarorlik yoki biror oyni katta muvaffaqiyat bilan o‘tkaza olish eng yaxshi bo‘lishda asosiy omil bo‘lishi mumkin.
Ma’lumot uchun, 2023 yilgi mavsum davomida Ilgiz Tantashev (1-davraning eng yaxshi hakami), Akobirxo‘ja Shukurullayev (avgust), Ahrol Risqullayev (sentyabr), Temurbek To‘xtasinov (oktyabr) hamda Aziz Asimov (noyabr) oyning eng yaxshi hakami sifatida tan olingan.
