"Arsenal" darvozaboni David Rayya Aaron Remsdeyl bilan raqobat haqidagi fikrlari bilan o‘rtoqlashdi.
Eslatib o‘tamiz, Rayya o‘tgan yozda "Brentford"dan London klubiga o‘tgan va Remsdeylni jamoaning asosiy ro‘yxatidan chiqarib yuborishga muvaffaq bo‘lgandi.
"O‘ylashimcha, men uni (Remsdeyl) yaxshiroq darvozabon qilyapman, biz mashg‘ulotlarda bir-birimizni yaxshilashga undaymiz, bir-birimizga yordam beramiz", - deya Rayyaning so‘zlarini keltiradi The Sun.
Joriy mavsumda Rayya “Arsenal” safida 17 ta o‘yinda maydonga tushib, 14 ta gol o‘tkazib yubordi va 8 ta uchrashuvda o‘z darvozasi daxlsizligini saqlab qola oldi.
