Madridning «Real» klubi va Belgiya terma jamoasi darvozaboni Tibo Kurtua Yevro-2024 musobaqasida ishtirok etmasligini ma’lum qildi. Bu haqda Fabrisio Romano ijtimoiy tarmoqlarda yozadi.
Darvozabon bunday qarorga kelishida turnirda qatnashish uchun tavakkal qilishni emas, balki jiddiy jarohatdan to‘liq forig‘ bo‘lishni istagani sabab bo‘lgan.
Eslatib o‘tamiz, Kurtuaning tizzasidagi xoch bog‘lami yorilib ketgan. Ushbu jarohat tufayli tajribali darvozabon joriy mavsumda o‘z klubida o‘ynamayapti va uning o‘rnini «Real» darvozasida Kepa Arissabalaga va Andrey Lunin egalladi.
