Мадриднинг «Реал» клуби ва Бельгия терма жамоаси дарвозабони Тибо Куртуа Евро-2024 мусобақасида иштирок этмаслигини маълум қилди. Бу ҳақда Фабрицио Романо ижтимоий тармоқларда ёзади.

Дарвозабон бундай қарорга келишида турнирда қатнашиш учун таваккал қилишни эмас, балки жиддий жароҳатдан тўлиқ фориғ бўлишни истагани сабаб бўлган.

Эслатиб ўтамиз, Куртуанинг тиззасидаги хоч боғлами ёрилиб кетган. Ушбу жароҳат туфайли тажрибали дарвозабон жорий мавсумда ўз клубида ўйнамаяпти ва унинг ўрнини «Реал» дарвозасида Кепа Ариссабалага ва Андрей Лунин эгаллади.