Dortmundning “Borussiya” klubi g‘alabasiz seriyasini 6 ta o‘yinga yetkazdi.
Murabbiy Edin Terzich shogirdlari Bundesliganing 16-turi doirasida o‘z maydonida “Mayns” bilan durang o‘ynadi (1:1).
Endilikda “Borussiya” barcha turnirlarda so‘nggi 6 o‘yinda 4 durang va 2 mag‘lubiyat qayd etdi – bu seriya 28 noyabr kuni Chempionlar ligasida “Milan”ni mag‘lub etganidan keyin (3:1) boshlangan.
Bundesliga turnir jadvalida Dortmund klubi 27 ochko bilan 5-o‘rinda bormoqda. Peshqadam "Bayer" hisobida 39 ochko bor.
Eslatib o‘tamiz, Chempionlar ligasining 1/8 finalida “Borussiya” PSV bilan to‘qnash kelgan.
