"Udineze" yarim himoyachisi Lazar Samardjich yaqin vaqt ichida klubini o‘zgartirmoqchi.
21 yoshli futbolchi “Udineze” bosh murabbiyi Gabriele Choffi bilan ziddiyatga tushib qolgan, shu bois u hatto jamoadan chetlatildi. Insayder Nikolo Skiraning so‘zlariga ko‘ra, yarim himoyachi yanvar oyidagi transfer oynasida boshqa jamoaga o‘tish istagida. Serb uchun asosiy da’vogarlar "Yuventus" va "Napoli" bo‘lib, ular vaziyatni diqqat bilan kuzatib borishmoqda.
O‘tgan yozda Lazar Samardjich "Inter"ga o‘tishga yaqin edi - kelishuv so‘nggi daqiqada barbod bo‘ldi. Transfermarkt portali futbolchining narxini 20 million yevroga baholamoqda.