Madridning “Atletiko” klubi markaziy himoyachisi Stefan Savich faoliyatini Turkiyada davom ettirish haqida o‘ylamoqda.
O‘tgan yozda chernogoriyalik futbolchi Saudiya Arabistoniga ko‘chib o‘tishi mumkin edi, ammo u Madridda qolishga qaror qildi. 32 yoshli futbolchining ketishi haqida ishonchli xabar yo‘q, ammo u, jurnalist Yagiz Sabunchuog‘luning so‘zlariga ko‘ra, "Fenerbaxche"ga o‘tishi mumkin. Buning asosiy sabablaridan biri shundaki, turk grandi safida markaziy himoyachining uzoq yillik do‘sti Edin Jeko harakat qiladi.
Ammo bunday o‘tish faqat "Atletiko" Savichdan qutulishga qaror qilgan taqdirdagina amalga oshishi mumkin. Himoyachining amaldagi shartnomasi mavsum oxirida yakuniga yetadi.