Мадриднинг “Атлетико” клуби марказий ҳимоячиси Стефан Савич фаолиятини Туркияда давом эттириш ҳақида ўйламоқда.
Ўтган ёзда черногориялик футболчи Саудия Арабистонига кўчиб ўтиши мумкин эди, аммо у Мадридда қолишга қарор қилди. 32 ёшли футболчининг кетиши ҳақида ишончли хабар йўқ, аммо у, журналист Ягиз Сабунчуоғлунинг сўзларига кўра, "Фенербахче"га ўтиши мумкин. Бунинг асосий сабабларидан бири шундаки, турк гранди сафида марказий ҳимоячининг узоқ йиллик дўсти Эдин Жеко ҳаракат қилади.
Аммо бундай ўтиш фақат "Атлетико" Савичдан қутулишга қарор қилган тақдирдагина амалга ошиши мумкин. Ҳимоячининг амалдаги шартномаси мавсум охирида якунига етади.
