"Chelsi" bosh murabbiyi Maurisio Pochettino Liga kubogi yarim finaliga chiqqanidan keyin o‘z taassurotlari bilan o‘rtoqlashdi.

“Ko‘klar” chorak final uchrashuvida “Nyukasl”ni penaltilar seriyasida (4:2) mag‘lub etdi. Asosiy vaqt 1:1 hisobida yakunlandi va londonliklar 92-daqiqada mag‘lubiyatdan qutulib qolishdi – Mixail Mudrik qutqaruvchi golga mualliflik qildi.

"Yaxshi o‘yin. Bunday gol o‘tkazib yuborish yoqimsiz edi - biz xato qildik. Futbolchilardan oxirigacha ishonishlarini so‘radim. Futbolda ba’zan omad kerak bo‘ladi, bugun esa u bizga keldi. Futbolchilarga rahmat aytmoqchiman, ular ajoyib o‘yin ko‘rsatishdi. Yarim finalga chiqqanimizdan juda xursandmiz. Muxlislarimiz bunga loyiq, klubning o‘zi ham", - deya Pochettino so‘zlaridan iqtibos keltiradi BBC.