"Brentford" direktori Li Dayks Ayven Tonining sotilishi mumkinligi haqida gapirdi.
Hujumchi uzoq vaqtdan beri "Arsenal" va "Chelsi"ning transfer maqsadi sifatida ko‘rilgan. 27 yoshli futbolchining diskvalifikasiyasi yanvar oyida tugaydi va uning transferi o‘shanda amalga oshishi mumkin.
"Qiziqish bo‘lishi kerak va tez orada, ehtimol, Ayven boshqa klubga ketadigan vaqt keladi. Ammo hohlaganlar transfer uchun munosib pul to‘lashlari kerak, chunki Toni juda iqtidorli futbolchi.
Uning mashg‘ulotlarga qaytganidan juda xursandman. Tonining aql bovar qilmaydigan ambisiyalari bor va siz uning ko‘zlarida endi u avvalgidan ham yaxshiroq bo‘lishini ko‘rishingiz mumkin. Unga qiziqish tabiiy hodisa. O‘tgan mavsumda u Premyer-ligada uchinchi to‘purarga aylandi. Menimcha, u dunyoning beshta eng yaxshi hujumchilaridan biri", - deya Deyksning so‘zlarini keltiradi insayder Fabrisio Romano.