Bugun “Bunyodkor” Akademiyasida klub Bosh direktori Murod Aliyev, sport direktori Islom Inomov va texnik direktor Vitaliy Ni jamoa a’zolari bilan uchrashdi. Uchrashuvda Murod Boqiyevich yakunlangan mavsumni kutilganidek o‘tkaza olmagan shonli tarixga ega jamoamizning maqsadi hamda shiori o‘zgarmasligini ta’kidlar ekan, “Bunyodkor” 2024 yil o‘z tarbiyalanuvchilariga alohida e’tibor qaratilishini ma’lum qildi. Albatta, yoshlarning ishtiyoqi tajriba bilan uyg‘unlashtiriladi. Tarkib shunga mos ravishda shakllantiriladi.
Ta’kidlash kerakki, bugun boshlangan va 28 dekabrga qadar davom etadigan mashg‘ulotlarga o‘z vaqtida “Bunyodkor”da ham futbolchi, ham murabbiy sifatida faoliyat yuritgan Anvar G‘ofurov va Abduhamid Qodirov boshchilik qiladi. Ayni vaqtda bir qator murabbiylar bilan muzokaralar olib borilmoqda. Tez orada 2024 yilgi mavsumda “Bunyodkor” ustoziga aylanadigan mutaxassis va uning shtabi haqida ma’lumot beriladi.
